Lisunews Chiang Mai Flower Festival 2023

Chiang Mai Flower Festival 2023 ꓕꓱ ꓡꓱ ꓐꓯ ꓢꓲ. ꓕꓲ ꓘꓳꓼ ꓕꓲ ꓧꓪ ꓢꓲ, ꓪꓰ ꓡꓳ ꓪꓰ ꓟ. ꓖꓶ ꓟ ꓐꓰ ꓐꓲꓻ ꓫꓴꓽ ꓟ. ꓖꓶ ꓟ ꓥꓳ꓿ ꓕꓱ ꓡꓱ ꓬꓰ ꓟ ꓗꓪ ꓐꓰ ꓕꓮꓲ ꓗꓴꓷꓼ ꓚꓧꓲꓮꓠꓖ ꓟꓮꓲ ꓗꓪ ꓔꓬ ꓟ ꓬꓲ ꓤ ꓠꓬꓲ ꓤ ꓐꓴ ꓥ ꓟꓲ ꓒꓴ ꓧꓪ ꓚꓱ, ꓐꓰ ꓗꓴꓷꓼ ꓗꓪ ꓟꓲ ꓒꓴ ꓓꓵꓽ ꓡ ꓚꓱ, ꓙꓳ ꓡꓳ꓿ ꓮ ꓫꓵꓽ ꓑꓶ ꓓꓴ ꓐꓯ ꓠꓬ ꓕꓱ ꓟ ꓢꓲ, ꓪꓰ ꓟ. ꓖꓶ ꓟ ꓑꓮꓲꓽ ꓕꓱ ꓟ ꓑꓶ. ꓓꓴ ꓢꓴ ꓟꓵꓽ ꓢꓴ ꓟꓲ ꓕꓲ ꓘꓳꓼ ꓡꓲ ꓕꓲ ꓘꓳꓼ 2 ꓦ ꓟ ꓘꓴ ꓗꓪ ꓗ, ꓗ ꓡ ꓢꓴ ꓮ ꓟꓬ, ꓙꓳ ꓡꓳ꓿ ꓖꓳ ꓡꓱ ꓠꓬꓲ ꓮ ꓘꓶ. ꓗ, ꓛꓲ ꓠꓲ, ꓟ ꓢꓻ ꓟ ꓑꓮꓲ ꓥꓳ ꓐꓰ ꓐꓯ ꓓˍ ꓡꓳ꓿

ꓞꓲ ꓠꓲ, ꓟꓲ 2 ꓦ 3 ‐ 5 ꓠꓬꓲ 2023 ꓘꓳꓼ ꓗꓪ ꓟꓲ ꓗ, ꓛꓲ ꓛꓲ ꓡꓰ ꓬꓰ ꓓꓳ ꓡꓰꓳ꓿ ꓑꓮꓲꓽ ꓕꓱ ꓟ ꓗꓪ ꓠꓬ ꓕꓮꓲ ꓟꓵꓽ ꓗꓪ ꓔꓬ ꓟ ꓞꓳ ꓫꓵꓽ ꓞꓳ ꓙꓰ ꓐꓴ ꓟꓲ ꓡ ꓢꓲ ꓬꓲ ꓪ ꓖꓪꓽ ꓫꓵꓽ ꓖꓪ ꓢꓲ ꓡ ꓡꓳ꓿ ꓮ ꓟ ꓮ ꓡꓲ ꓐꓲꓻ ꓫꓴꓽ ꓐ ꓡ ꓖꓳ ꓡꓱ ꓐꓲꓻ ꓫꓵꓽ ꓢꓲ ꓮ ꓟ ꓞꓳ ꓫꓵꓽ ꓣꓱꓽ ꓫꓵꓽ ꓣꓱꓽ ꓙꓰ ꓟꓲ ꓟ. ꓖꓶ ꓡꓯ ꓘꓳ ꓟ ꓑꓮꓲ ꓥꓳ꓿ ꓣꓳ ꓞꓳ ꓫꓵꓽ ꓮ ꓡꓲ ꓐ ꓡ? ꓢꓲ, ꓪꓰ ꓟꓲ ꓪꓴ ꓪ ꓓˍ ꓡꓳ꓿

ꓕꓲ ꓘꓳꓼ ꓕꓲ ꓧꓪ ꓚꓧꓲꓮꓠꓖ ꓟꓮꓲ ꓗꓪ ꓐꓲꓻ ꓔꓯꓺ ꓡꓯ ꓘꓳ ꓟ ꓗꓪ ꓐꓰ ꓧꓪ. ꓡꓰ ꓢꓴ ꓥ ꓟꓲ ꓖꓳ ꓗꓪ ꓡ ꓡꓳ꓿ ꓑꓮꓲꓽ ꓦꓬꓼ ꓠꓬꓲ ꓠꓬ ꓖꓴ ꓡꓰꓳ ꓐꓯ ꓟꓲ ꓢꓲ, ꓪꓰ ꓡꓳ ꓪꓰ ꓐꓲꓻ ꓫꓴꓽ ꓔ. ꓟ ꓠꓬ ꓟꓽ ꓣꓴ ꓩꓴ ꓢꓰ 2 ꓦ ꓟ 15 ꓠꓬꓲ ꓗꓪ ꓛꓲ ꓛ ꓔ ꓡꓳ꓿ ꓮ ꓟꓶ ꓛꓳ ꓪ ꓓˍ ꓢꓰ ꓡꓳ ꓮ ꓘꓶ. ꓗ, ꓛꓲ ꓟ ꓑꓮꓲꓽ ꓥꓳ꓿ ꓧꓪ ꓧꓪꓸꓼ

ꓡꓯ ꓫꓵ ꓢꓧꓮꓣꓰ ꓬꓰ ꓡꓯ꓿ ꓫ ꓟꓳ ꓪ